Feeds:
Entradas
Comentarios

Posts Tagged ‘Sergio Gutierrez Camblor’

 

A ti préstente tolos homes

–y dicen

que tamién delles moces con posibles aspirantes a top model-

y esti desesperu por tastiar el paladar del mundu

ye otru intentu d’enllenar d’imáxenes la vida.

Dalguna vez vi, tuvi tamién, un llugar afayadizu siguiendo

el pastu llargu que quemó l’orín ácidu de los que lo traguen. Warning.

A ti préstente tolos homes y yo nun soi menos qu’otru, alcuérdate,

pero yo almito la responsabilidá pa colos de la mio clase;

nun t’enseñaré les llorces onde s’exilia’l sebu

-les tetes fofes que tamién guardo-

y xiringaré nel mar tres veces la pirula

pa ufiertame poderosu baxo l’astru d’arena. Y asina

escitate a ti

 

y a tolos homes.

 

Sergio Gutierrez Camblor (Lieres, 1985) tien espublizao’l llibru A dixo a B: “perversu” (2007).

Anuncios

Read Full Post »

 

Enfrente del cuartu u escribo hai una casa con tres hermanes.

Cuando la más pequeña se droga o mete al mozu en casa

yo miro pel cristal colos güeyos del coyote.

 

Fai tres nueches descubrióme al otru llau. Sélo.

Conoz les mios intenciones fosques. Sabe qu’un día llamaré al timbre

con fotos, feches y amenaces col nome de so padre pel mediu;

eso, si nun cede a cébame como sé que yá sabe. Bien.

 

Bien. Pero yá atopó con más besties de la mio raza. Nun cruzaré l’asfaltu

mientres les cortines sigan tando siempre medio abiertes

y l’acristalamientu doble nun se funda.

 

Raro.

 

Sergio Gutierrez Camblor (Lieres, 1985) tien espublizao’l llibru A dixo a B: “perversu” (2007).

Read Full Post »