Feeds:
Entradas
Comentarios

Archive for the ‘Ricardo Candás’ Category

 

Pásame que se me pon

cara de llunes cuando toi solu.

Qu’hai xente cola muerte

tres los sos güeyos

y yo nun puedo facer nada.

Que más deprendo

de mio pá cuando-y digo

que nun tien razón.

 

Pásame que yá nun escribo

pela nueche

y que yá nun creyo en dios

nin nel espeyu.

Que soi un poco Bakunin

y a naide-y importa.

 

Pásame que dexar de querete

ye como morrer

                     namás qu’espierto.

 

Ricardo Candás (Xixón, 1977) tien espublizáu’l llibru Quiciás seya payares (2006)

Read Full Post »