Feeds:
Entradas
Comentarios

Archive for the ‘Manuel Asur’ Category

 

Desprecian cuanto ignoran

Antonio Machado

 

Nel conceyu de Casu tolos díes muerre un árbol.

Los guardamontes nun son a evitalo

porque l’orpín que los mantién

siempre queda entalláu nel cielu avaru.

Ansí, l’arboricida fa de la vida, tucón espantible, lluz restorcía.

Tucón, lluz deslucía’l cuerpu de to.

Hachu, llegre llimaz, l’orbayu güarión.

Y árbol casín, namái árbol de muerte, yo.

 

Manuel Asur (La Güerta, 1947) tien espublizaos seis llibros: Cancios y poemes pa un riscar (1977), Camín del cumal fonderu (1978), Vívese d’oyíes (1979), Congoxa que ye amor (1982), Destruición del poeta (1983) y Orbayos (2002), amás de l’antoloxía Poesía (1976-1996).

Read Full Post »

 

Un pueblu ensin acordanza nun tien futuru

 

Atiendi, Asturies, atiendi

lo que falo na to fala

anque nos oyíos tengas

muncha llingua castellana.

 

Sé que sofristi abondu

que fusti más nueche qu’alba

que fixisti too dafechu

lo que sentíes pel alma.

 

Sélo bien, pero’l dolor

golviósete una mordaza

dexándote a fuerza sombra

una llaceria na fala.

 

Esa llaceria espardióse

como una postiella gafa

fendió to llingua llariega

fasta torgate falala.

 

Y la hestoria que pulsiasti

cola pallabra bien alta

quedando fo callandina

como ensin acordanza.

 

Y ensin acordanza un pueblu

nun tien futuru a la llarga.

 

Atiendi, Asturies, atiendi

lo que falo na to fala.

 

Manuel Asur (La Güerta, 1947) tien espublizaos seis llibros: Cancios y poemes pa un riscar (1977), Camín del cumal fonderu (1978), Vívese d’oyíes (1979), Congoxa que ye amor (1982), Destruición del poeta (1983) y Orbayos (2002), amás de l’antoloxía Poesía (1976-1996)

Read Full Post »