Feeds:
Entradas
Comentarios

Archive for the ‘Concha Quintana’ Category

 

Contra cuála rosada esfrecerá la fiebre,

qué nuevu marafundiu xorrecerá na almuada,

en qué llabios habrá nuevos naufraxios.

 

Quién abrirá caminos pente’l h.uebu,

a qué constelación se tornarán los güeyos,

rotu’l recuerdu –inútil astrolabiu.

 

Cuandu ondee l’olvidu las sos prietas banderas,

¿ónde llevantaremos nuevos templos

pa los nuevos dioses qu’inventemos?

 

Concha Quintana (Llanes, 1952), y la poeta más destacada de la primer promoción del Surdimientu, pero permanez inédita en llibru por voluntá propia.

Anuncios

Read Full Post »

 

Per esas galerías, pelas que se pasea

-impúdica y desnuda- l’alcordanza,

m’acompaña

la porfiada solombra nas pareas

y quiciabis un rostro pacetible y anónimu

que quiero imaxinar tres las ventanas.

 

Y esti rencor inciertu

qu’aspiro col h.umu del cigarru.

 

***

 

Los cables de la lluz: papel pautáu

nun cielu de metal.

Dos gurriones apúrren-y

a esti pentagrama

dos menudos silencios de corchea.

 

            ***

 

El Sol pente les ñubes

debuxa telarañas

y repila nos pozos.

En tala forma españa

la lluz nesti momentu

que desanicia la melancolía.

 

Concha Quintana (Llanes, 1952), y la poeta más destacada de la primer promoción del Surdimientu, pero permanez inédita en llibru por voluntá propia.

Read Full Post »

 

L’alba

emprima a calecer adulces

el llombu de las cosas.

Nos güeyos

caltiénse entá la fiebre del tresvel:

tola nueche –otra nueche- calumbada

nesa espiral de símbolos escuros…

 

Agora, yá ensin ti,

la piel me é forana.

 

Concha Quintana (Llanes, 1952), y la poeta más destacada de la primer promoción del Surdimientu, pero permanez inédita en llibru por voluntá propia.

Read Full Post »