D’un ríu, de Taresa Lorences

 
Falaréi de la infancia ya d’un ríu
que corría monte abaxo hasta perdese
na l.l.ende de las tierras de los xaldos.
 
Un ríu qu’estremaba pueblos, acoyía nomes,
L’Ueyu Verde, Remoleiru, L.l.eirosu,
cuando cruciaba l.l.ibre las alturas.
Un ríu demorándose en bañales de piedra,
barcos pa las nubes ya espeyos
pa los güeyos profundos de las vacas.
 
Falaréi de muyeres embrocadas sobre l’augua, [...]

Leer publicación completa »

Siguiendo a Lot, de Taresa Lorences

 
Nun me queda nada. El futuru
ya un desiertu de sal nel horizonte
ya ese home arrechu que camina
siguiendo’l mandáu d’un estranxeru.
Ardéu la casa, la infancia, el barru
guarda las formas de los rostros
ya las manos alzadas a los dioses
pidiendo de baldre misericordia.
 
Obedecer: un vezu, una consigna
anubrir los caminos
onde transita la memoria.
Irresponsables me condenan
los corazones, tienen el color
ablancazáu [...]

Leer publicación completa »

Cuando pienso tierra…, de Taresa Lorences

 
Cuando pienso tierra escribo azul,
cielos navegables, torres de piedra
qu’apuntan hacia’l norte.
Suaños verdes d’alcacer, pan
abrasándose nas eras.
 
Cuando digo presente veo bocas
coronadas d’espinas,
homes que persiguen paraísos de pesiglás,
corazones que bombian millones por minutu,
miedu. Miedu que berra en bidones d’aceite.
Días ensarriaos, nueites blancas,
ya un didu que borra la hestoria de los l.l.ibros.
 
El pasáu ya un cristal qu’escacha
nos güeyos [...]

Leer publicación completa »

De los caballos, de Taresa Lorences

Amo de las tierras
la parte alta ya las nubes
buscando cielos intanxibles.
Amo esa l.l.uz purísima del branu,
d’ande nacen las sombras.
Febreiru licuándose en mofu
nos caminos. La nieve
qu’adormez las siendas.
De los homes, l’esfoutu
en volver a construyilas,
de los caballos,
la quelina al vientu.
 
Taresa Lorences (Cueva, Salas, 1955) tien espublizáos dos llibros de poemes: El son de los picaportes (1994) y [...]

Leer publicación completa »