La térmica, de Pablo Rodríguez Medina

 
La térmica
enfrente
de casa,
cuando entá
nun tiraba
l’aire de mudanza
yera a los güeyos
d’aquel neñu que fui
un trasantlánticu
                                empielgáu na tierra,
un monstruu prehistóricu
dando les boquiaes per aquella
chimeneona pela que salía un vafu
espantible
la térmica
duraba tol valle, too lo inundaba
col so runfir amburante, la boca
llaceriosa del infiernu, el volcán
que fabricaba
                          díes de nublina.
 
“Mírala, que pronto la van trancar”,
dicía mio [...]

Leer publicación completa »

Una vegada al mes…, de Pablo Rodríguez Medina

 
Una vegada al mes el reconcomiu
aporta a esta tierra que va tiempu
nun ara naide, onde xorrez la uz
restorcío como un quebrantu. Una
vegada al mes l’amorecer
de les estaciones anubríen
el pipiar del malvís y la zarrica
qu’añera nel corazón engafáu
de muyer sola. Y mentres llores
la solez y los díes repetíos
faen de la vida la propia trampa.
Arrefundes los dientes [...]

Leer publicación completa »

Como la cirigüeña, de Pablo Rodríguez Medina

 
Como la cirigüeña
la to saliva zarra
mancadures d’otru tiempu, argayos
qu’esfarrapló l’amor
d’aquel tiempu
                             vencíu
 
tantes y tantes veces
 
enquivoqué’l rumbu de les caricies
y di la voz y el fuelgu
a quin nun-y correspondía
namás que l’escaezu y la derrota.
 
Vengo cola piel abrasao
derrompíu de silenciu, el versu
ye namás lo que me salva
mentres besu a besu se zarren
estes mancadures que son namás
les puertes [...]

Leer publicación completa »

A cirueles, de Pablo Rodríguez Medina

 
Quixere sentite de tarde
en tarde
                como entós, tres de bañamos
desnudos nun saltu del ríu
onde les cañes peñeraben
la lluz d’aquelles hores
de ponese al verde y ver de cerca
la priesa por dexar atrás
el ser neños y algamar
el gociu del presente
vivir, de la presente
alcordanza del vinu y d’unos llabios
atarazaos de mansedume
 
como les cirueles qu’a la vuelta
casa díbemos pañar.
 
Mas [...]

Leer publicación completa »