Trabayen na escombrera
manos
de muyer.
Miren a la cámara
enllenes de Norte y fame.
Son carboneres.
Pantasmes d’un mundu
que nun-yos pertenez.
Escures sombres
nuna tierra estraño.
Perdíes,
ensin campanes
qu’esconxuren
el nuberu y la derrota.
Chechu García (L’Entregu, 1970) tien espublizaos dos llibros: Les coraes de la roca (1999) a comuña con Martín López Vega, y Teseles (2003).
Archivos de la categoría ‘Chechu García’
Escombrera, de Chechu García
Publicado en Chechu García, etiquetado Chechu García el Mayo 24, 2008 | Deja un Comentario »
Ulises, de Chechu García
Publicado en Chechu García, etiquetado Chechu García el Mayo 7, 2008 | Deja un Comentario »
El vieyu héroe
sienta nuna roca xunto al mar.
El cielu, coloráu,
ye’l cielu de bronce de los poemes d’Homeru.
La sable rellumante, la de milenta versos.
Les manes que mandaron nel timón d’arguyoses proes
apigacen cansines nel cayáu.
Son pelleya de güesu, los brazos de fierro
que ficieran cantar cimblante l’arcu.
Nes playes d’Ítaca,
los güeyos que nunca erraren blancu
nortien l’horizonte sedientos de [...]
Chopu, de Chechu García
Publicado en Chechu García, etiquetado Chechu García el Abril 21, 2008 | Deja un Comentario »
Solitariu
enzarráu nun cuerpu d’espacios
posa’l chopu de tantes tardes.
Parez eternu
coronáu pol sol de primavera.
En paz. Ayenu al mundu.
Completu.
Y ensin embargu
na picolina
amústien-y les primeres fueyes
arrástrense los gritos
día y nueche, ensin parar.
Qué xabaz llucha de silencios.
Con calma infinito
la yedra va envolviendo-y el troncu.
Afogándolu.
Con invisible enfotu
van los arfueyos
envenenando-y la semiente.
Qué mansu dolor.
Tamién el tiempu
na increíble inmovilidá
de la tarde,
ta consumiendo
al [...]
