Edaes, d’Ana Vanessa Gutierrez

 
Cuando yera una guah.a
tenía mieu a les solombres de los árboles:
víales tan grandes
que creyía que me tragaben.
 
Depués,
entamó a atérrame la inmensa escuridá:
diba pela neñez
marchando a tientes
y tarreciendo cayer.
 
Na mocedá
amedrentábenme los silencios
y tolo que desconocía:
asina que trabata siempre de saber más.
 
Agora,
un poco menos xoven,
yá sólo me dan mieu les palabres.
 
 
Ana Vanessa Gutierrez (Urbiés, 1980), tien espublizaos [...]

Leer publicación completa »

Escuéndime, d’Ana Vanessa Gutierrez

 
Escuéndime de los suaños escuros.
De les manes sangrientes
que dibuxen el mio nome nes parés.
 
Tápame de los milenta cristales
nos que se desfaen los mios güeyos
cada vez que sobrevivo.
 
Guárdame del tiempu del odiu
y de la tierra d’olvidu
na que van desterrame.
 
De tolo que nun merezo
de lo que nun deseo,
porque prometo que soi inocente,
anque tea poseída pol páxaru [...]

Leer publicación completa »

Ente nós, d’Ana Vanessa Gutierrez

 
A J. R. F.
 
Presiéntote entrando a tientes…
y como nun quiero asústate,
ciarro los güeyos y finxo siguir dormida,
mentes escucho la to respiración forciada…
 
Voi aldovinando’l percorríu de les tos manes,
de la que retires les sábanes
que me cubren de misterio y de vergoña.
 
Ya cásique controlo’l xirpíu
que provoquen les tos piernes allugándose a les míes.
 
Ye custión de tientos y [...]

Leer publicación completa »

Patria, d’Ana Vanessa Gutierrez

 
 
Sentíte falar con señaldá
de la tierra que nun tienes,
de la neñez perdida.
 
Yo, llonxana,
como siempre,
nun acertaba a falar:
pensaba que, si la patria ye un temblor,
tu yes munches,
                                munches veces,
patria mía.
 
 
 
Ana Vanessa Gutierrez (Urbiés, 1980), tien espublizaos dos llibros: Onde seca l’agua (2003) y La danza de la yedra (2004).
 

Leer publicación completa »