Paecía vivir permanentemente nuna esquina de la cai Corrida. Caminaba a blincos, la mano estendida como si llevare dalgo ente los deos –aire, agua… qué se yo líquido-y tuviera mieu perdelo naquel trote infantil: “Una ayuda” dicía mientres t’espiaba.
Una tarde decatéme –quién sabe los díes, los meses díos- que d’aquellos güeyos sólo les cuenques llindando con esactitú xeométrica la calavera quedaben, pozos negros lo que fueren ventanos.
Otra tarde noté –quién sabe los díes, los meses díos- que na esquina de la cai Corrida faltaba algo, que yá nun taba la cafiante necesidá d’esquivar aquel cuerpu bamboliante al remolín de la vida.
Y entós, delantre d’aquella ausencia ensin nome, tuvi’l primer sentimiento dignu de toa esta historia.
Miguel Rojo (Zarracín, 1957) tien espublizaos tres llibros: Buscador d’estrel.l.as (1996), Bilbao, estación terminal (2001) y Llaberintos (2005), amás de l’antoloxía Territorios (poesía 1980-2005).
Hai delles coses nestos poemes que me ponen de los nervios. DEbe ser que ta la vida nellos y hai coses que nun me gusta recordar. De toes maneres norabona por estos dulces disgustos al autor.
LL